台湾童谣.docx

台湾童谣.docx

《台湾童谣.docx》由会员分享，可在线阅读，更多相关《台湾童谣.docx（12页珍藏版）》请在冰豆网上搜索。

台湾童谣

台灣童謠

排骨仔隊

財仔財

ABC狗咬豬

一的抄米香

一年仔倥倥

一歲兩歲手裡抱

十二生肖

人插花．伊插草

正月正

大箍呆

大頭旺仔一粒珠

火金姑

天烏烏

火車

點仔膠

台灣出甜粿

白鷺鷥

西北雨直直落

放雞鴨

新娘仔

金龜

匿姑揣

貧憚仙

掩咯雞

羞羞羞

普渡歌

搖仔搖

搖囝賢大漢

搖啊搖

樹頂一隻猴

點仔點水缸

臆台灣的地名

龍眼干

挨呀挨

黑面祖師公

搖金子

搖子歌

火車

咚咚差

歹心肝

貓呀貓比巴

月光光

火金星

火金星

天烏烏

臭頭

白領絲

　排骨仔隊

阮就是排骨仔隊，汝嘛是排骨仔隊；胸坎若樓梯，腹肚若水櫃，雙手金光錘，

兩枝腳草蜢仔腿；人人攏叫阮是排骨仔隊。

　財仔財

財仔財！

對天頂跋落來；有目珠，無肚臍；有喙齒，無下頦；叫醫生，叫袂來；

叫司公，扛去埋。

阿財！

阿財！

厝頂跋落來；有喙齒，無下頦；叫醫生，叫袂來；叫土公，拖去埋。

秀才！

秀才！

在馬頂，跋下來；跋一下，真厲害；嘴齒痛，糊下頦；目珠痛，糊目

眉；腹肚痛，糊肚臍；嘿！

真厲害。

ABC狗咬豬（傳統唸謠）

ABC狗咬豬，阿公仔坐飛機，

跋一下冷支支。

叫醫生，來甲伊醫，醫一下跤骨大小支，

醫一下跤骨大小支。

一的抄米香（流傳唸謠）

一的抄米香，二的抄韭菜，三的強強滾，四的抄米粉。

五的五將軍，六的六子孫，七的蚵仔飼麵線，

八的講伊卜分一半，九的九嬸婆，十的撞大鑼。

打你千打你萬，打你一千零五萬，羞羞羞袂見笑，

猜輸唔甘願，玩輸起蝦龜，唔甘願起蝦龜，

我卜來去投老師，投老師。

一年仔倥倥（傳統唸謠）

一年仔倥倥，二年仔孫悟空，三年仔吐劍光，

四年仔愛膨風，五年仔上帝公，六年仔閻羅王，閻羅王。

一歲兩歲手裡抱

一歲兩歲手裡抱，

三歲四歲塗跤脞。

五歲六歲漸漸大，

有時頭燒佮耳熱。

七歲八歲真爻吵，

一日顧伊兩支跤。

九歲十歲教針黹，

驚伊四界去經絲。

十一十二著拍罵，

此去著那學做衫。

十三十四學煮菜，

一塊桌面辦會來。

十五十六卜轉大，

驚伊綴人去風花。

十七十八做親情，

一半歡喜一半驚。

十二生肖

一鼠，賊仔名，

二牛，駛犁兄，

三虎，爬山崎，

四兔，遊東京，

五龍，皇帝命，

六蛇，互人驚，

七馬，跑兵營，

八羊，食草嶺，

九猴，爬樹頭，

十雞，啼三聲，

十一狗，吠契兄，

十二豬，菜刀命。

人插花．伊插草（傳統唸謠）

人插花，人插花，伊插草。

人抱嬰，人抱嬰，伊抱狗。

人未嫁，人未嫁，伊先走。

人坐轎，人坐轎，伊坐畚斗。

人睏紅眠床，伊睏屎礐口。

人睏紅眠床，伊睏屎礐口。

正月正

正月正（chiaN），聽見跋繳聲（siaN）。

二月二（ji7），老土地（ti7）。

三月三（saN），桃仔李仔雙頭擔（taN）。

四月四（si3），桃仔來，李仔去（khi3）。

五月五（goo7），西瓜排甲滿街路（loo7）。

六月六（lak8），頭家落田拍碌碡（lak8-tak8）。

七月七（chhit4），龍眼烏，石榴必（pit4）。

八月八（peh4），牽豆藤，挽豆莢（ngeh4）。

九月九（kau2），風吹滿天吼（hau2）。

十月十，人收冬（tang），頭家倩長工（kang）。

十一月，年兜邊（piN），家家戶戶人搓圓（iN5）。

十二月，換新衫，來過年（niN5）

大箍呆（傳統唸謠）

大箍呆哎喲白目眉，無人請你就家己來。

來來大箍呆炒韭菜，燒燒一碗來，冷冷阮無愛。

大箍呆炒韭菜，燒燒一碗來，冷冷阮無愛。

大箍呆，到今你才知，到今你才知。

大頭旺仔一粒珠（傳統唸謠）

大頭旺仔伊都一粒珠，相打唔認輸。

夯竹篙托金龜，金龜一下飛。

哎喲大頭旺放風吹，風吹斷了線。

大頭旺仔傢伙，哎喲去一半。

火金姑（傳統唸謠）

火金姑來食茶，茶燒燒，食根蕉。

根蕉冷冷，食龍眼。

龍眼愛撥殼，換來食藍菝仔，藍菝仔全全籽，

害阮食一下落喙齒，害阮食一下落喙齒。

天烏烏（台灣北部民謠）

天烏烏，卜落雨，阿公仔夯鋤頭仔卜掘芋。

掘啊掘，掘啊掘，掘著一尾辿鰡鼓，

咿呀嘿都真正趣味。

天烏烏，卜落雨，阿公仔夯鋤頭仔卜掘芋。

掘啊掘，掘啊掘，掘著一尾辿鰡鼓，

咿呀嘿都真正趣味。

阿公仔卜煮鹹，阿媽仔卜煮汫。

二個相拍弄破鼎，咿呀嘿都啷噹叱噹嗆，哇哈哈。

阿公仔卜煮鹹，阿媽仔卜煮汫。

二個相拍弄破鼎，咿呀嘿都啷噹叱噹嗆，哇哈哈。

弄破鼎，弄破鼎，弄破鼎，咿呀嘿都啷噹叱噹嗆，

哇哈哈，哇哈哈，哇哈哈，哇哈哈。

（天烏烏是台灣北部民謠。

原是一種順口溜的童謠唸詞，

內容詼諧有趣，鄉土色調極濃。

據稱發源於終年梅雨，台灣金瓜石一帶。

）

火車

火車卜行東港橋，愈行愈走愈咧叫，

一聲短來，一聲長，真賢搖。

搖一下來，搖一下去，嗶噗趒（tio5）。

火車卜行西螺橋，愈行愈走愈愛搖，

鶯歌若過是板橋，真賢搖。

搖一下來，搖一下去，嗶噗趒（tio5）。

點仔膠（台灣童謠）施福珍詞曲

點仔膠，粘著跤，叫阿爸，買豬跤，

豬跤箍仔，滾爛爛，飫鬼囡仔流喙涎。

台灣出甜粿

喂、喂、喂，

台灣出甜粿。

甜粿真好食，

台灣出木屐。

木屐真好穿，

台灣出鵁鴒。

鵁鴒會講話，

台灣出棉被。

棉被甲會燒，

台灣出芎蕉。

芎蕉真大枇，

台灣出蕃薯。

蕃薯會止飢，

台灣出飛機。

台灣真爻飛，

台灣出鼓吹。

鼓吹真爻陳，

台灣出炸彈。

炸彈真厲害，

歹人唔敢來。

白鷺鷥（傳統唸謠）林福裕改編

白鷺鷥車糞箕，車到溪仔墘，跋一倒，抾著二先錢。

一先儉起來好過年，一先買餅送大姨。

西北雨直直落（台灣童謠）黃敏配曲

西北雨直直落，鯽仔魚卜娶某。

鮕鮐兄拍鑼鼓，媒人婆仔土虱嫂，

日頭暗揣無路，趕緊來火金姑，

做好心來照路，西北雨直直落。

西北雨直直落，白鷺鷥來趕路。

搬山嶺過溪河，找無岫跋一倒，

日頭暗卜怎好，土地婆做好心來帶路，

西北雨直直落。

放雞鴨（傳統唸謠）

一放雞，二放鴨，三分開，四做堆，五搭胸，

六拍手、七圍牆，八摸鼻，九揪耳，十抾起。

新娘仔

新娘水噹噹，褲底破一空；頭前開米店，後壁賣米香；米香無人買，

跋落尿礐仔底

金龜

金龜金龜頭趄趄（lu-lu），

匿佇樹頂咧啄居。

金龜金龜，細粒頭，圓身軀。

匿姑揣

林投戴斗，木虱家蚤。

家蚤無匿，老公仔保庇，翁仔頭，噈噈。

貧憚仙

一天過了又一天，

身軀無洗全全鉎，

走去溪仔洗三遍，

毒死烏魚數萬千。

掩咯雞（傳統唸謠）

掩咯雞，走白蛋，隨你食，

哎喲隨你纘（nng），

咯雞仔囝，哎喲覓密密。

老鼠仔囝偷做賊，一支刀咧一支劍，

卜走唔走，唔通哮，唔通哮。

羞羞羞（傳統唸謠）

羞羞，羞羞羞，提藍仔撿雨鰡。

羞羞，羞羞羞，提藍仔撿雨鰡。

攏總撿幾尾，哎喲，攏總撿兩尾啦，攏總撿兩尾。

一尾煮來吃啊嘖嘖，一尾糊目睭啍啍，羞羞，羞羞羞。

普渡歌

普渡來，卜做戲，

吩咐三，吩咐四，

吩咐親家親姆，十五來看戲。

對竹跤，厚竹刺，

對溪邊，驚跋死，

對大路，嫌費氣，

無，著攏勿去。

搖仔搖（傳統唸謠）

搖仔搖仔搖荖搖，搖到內山去挽茄，挽若多？

挽到一飯蘺，也好食，也好賣，也好互嬰仔做度睟。

搖囝賢大漢（傳統唸謠）

搖仔搖，搖仔搖。

搖囝也在叫。

搖你大漢，我有所望。

搖囝賢大漢，搖囝賢大漢。

搖啊搖

搖啊搖，

豬跤雙爿撩，

大麵雙碗燒，

肉丸炒胡椒，

蒜仔炒魚鰾，

卜睏著放尿，

出門著坐轎。

樹頂一隻猴

樹頂一隻猴，

樹下一隻狗。

猴跋落來，磅著狗。

猴亦走，狗亦走。

唔知猴驚狗，

抑是狗驚猴。

點仔點水缸（傳統唸謠）

點仔點仔點水缸，啥乜人仔放屁爛跤尻。

點仔點仔點茶甌，啥乜人仔今晚卜來阮兜。

點仔點仔點茶壺，啥乜人仔今晚卜娶某。

點仔點仔點叮噹，啥乜人仔今晚卜嫁尪。

點仔點仔點水缸，啥乜人仔放屁爛跤尻。

點仔點仔點書包，啥乜人仔今晚卜來阮兜。

點仔點仔點鉛筆，你若是歹囝仔才做白賊也。

點仔點仔點紛紛，你是英雄好漢去做軍。

臆台灣的地名（傳統唸謠）

台灣的地名是真趣味，台灣的地名是真趣味。

開張大吉臆佗位？

開張大吉臆新店。

四季如春臆佗位？

四季如春臆恆春。

雨後春筍臆佗位？

雨後春筍臆新竹。

龍眼干

龍眼干，三兩半，你點燈，我來看。

龍眼干，三兩半，你點燈，我來看。

看啥乜，看新娘，新娘美咚咚，嫁好尪。

 挨呀挨

挨呀挨噓噓，抬雞請阿舅；阿舅吃無了，剩一隻雞腳爪；互嬰仔食無夠，置在後尾

門仔嗎嗎哮。

挨呀挨，篩米篩粟飼閹雞；飼雞好叫更，飼狗好吠暝；飼後生，養老

父，飼查某仔別人兮。

黑面祖師公

黑面祖師公白眉毛無人甲你請自己嘿自己來

一個面仔擱笑咳咳笑甲一個嘴仔離兮兮

到底為啥帶為啥帶撈椅頭仔看目眉

椅頭仔踏無好削落來嘿削一個有嘴齒擱無下骸

真厲害大聲小聲唉無講無人知無人知

搖金子

搖金子，搖金子，搖豬腳，搖大餅，搖檳榔，來相請。

搖子歌

搖啊搖，阿公揄挽茄，挽若濟？

挽一飯籬（ㄌㄝˊ），也有好吃，

也有好賣，也好給（ㄎㄚ）咱（ㄌㄢˋ）嬰（音圓）仔做度晬（音祭）。

火車

火車欲行行鐵支，十點五分到嘉義，嘉義查某點胭脂，

點甲紅記記，要出嫁，阿兄未來慢者辭。

咚咚差（ㄔㄚ）

咚咚差（ㄔㄚ），紅龜包豆餡（ㄚn）；公仔食，婆仔罵；

公仔舉扁擔，婆仔叫不敢。

歹心肝

歹心肝的黑腸肚，要死著初一十五，

要埋（ㄉㄞˊ）風擱雨，要撿骨尋無墓。

貓呀貓比巴

貓呀貓比巴，放屎糊蚊罩；蚊罩洗昧脫（˙ㄌㄨㄉ），

抓貓仔來拆（˙ㄚㄉ）骨；拆幾支，拆三支；

一支打鑼，一支打鼓，一支關渡迎媽祖。

月光光

月光光，秀才郎；騎白馬，過南塘；南塘昧得過，掠貓來接貨；

接昧著，舉竹篙，托（ㄊㄨ）獵鳶（ㄏㄧㄜ）；獵鳶跋落田，嫁酒瓶；

酒瓶要飲酒，嫁掃帚；掃帚要掃地；嫁給賣雜貨；

賣雜貨的要搖（ㄌㄧㄥ）瓏（ㄌㄨㄥ），嫁司（ㄕㄞ）公，司公要請疏，

嫁破布，破布要補衫，嫁牛擔（ㄉㄚ）；牛擔要犁田，嫁酒瓶；

酒瓶走入孔，萬汝（ㄌㄧˋ）仔無頭鬃（ㄗㄤ）。

火金星

火金星，十五暝，魚撞鼓，先生娘大腹肚，正月生查晡（ㄅㄛ），

二月生查某，坐我船，打我鼓，食我白米飯，配我鹹菜脯。

火金星

火金星，十五暝，請恁姊仔來吃茶，茶米紅，茶米香，

央大妗做媒人，做何（ㄉˋ）位？

做大房，大房人豬，二房人羊，

打鑼打鼓娶新娘，新娘著火燒，子婿博博跳，跳到田中央（ㄥ），

一尾鯽仔魚四人扛，扛上（ㄐㄧㄨ）廳，拜大兄，大兄無穿襖，拜阿嫂，

阿嫂無穿裙，拜龍船，龍船弗（ㄆㄨˇ）弗飛，拜茶鍋（ㄨㄝ），

茶鍋沖（ㄑㄧㄤˇ）沖滾，一個（ㄝ）查某人偷抹粉。

天烏烏

天烏烏，要落雨，鯽仔魚，要娶某，水蛙扛轎大腹肚，

蜻蜓舉旗叫艱苦，龜擔燈，鱉打鼓，鯽仔魚做媒人，土虱做查某，

蚊仔噴達嘀，黑白魯，黑白魯。

遇著四嬸婆，食一碗白米飯，

在配鹹魚脯，魚脯香，魚脯香，儉錢買雞公，雞公跋落水，

舉竹篙（ㄍㄜ），打水鬼，水鬼面黑黑，舉槍打石沽，石沽走去蔽（Bi），

龜咬鱉，鱉伸頭，龜咬猴，粿QQ，老猴賢（gauˊ）爬樹，爬呀爬，

爬一下（ㄝ）無（ㄉㄨˋ）拄（ㄉㄨˋ）好，跋一倒，跋一倒，痛痛痛，

妍（ㄧㄢ）投（ㄉㄠˊ）掛目鏡，妍投仔愛（ㄊㄧˋ）（ㄊㄡˊ），

妍投仔訴（ㄉㄠˊ）嬸婆，嬸婆開窗仔，

買粗紙，有買伊，無買我，害我心肝必卜彈，雞母娶雞妹（ㄌㄨㄚ），

雞妹走去店，龜咬劍，劍金金，老婆仔拋車輪，車去何（ㄉ˙），

車去南塘拉大索，大索拉一下輸，老婆仔帶嗄（ㄏㄝ）龜，

嗄龜醫一下（ㄝ）好，老婆仔無煩惱，身體真正好，老婆仔長生不老。

臭頭

臭頭一支刺，大港三棚戲，無錢不敢去；去到大廟口，食人一碗麵，

碗給（ㄍㄚ）人咬一缺（˙ㄎㄧ）；無錢食，要給（ㄍㄚ）人皮。

白領鷥

白領鷥，擔糞箕；擔到溝仔墘（ㄎㄧn），跋（ㄅㄨㄚˋ）一倒，

拾到一仙錢，買大餅送恁（ㄌㄧㄣˊ）姨；恁姨嫌無賴，

喊（ㄏㄨㄚ）雞喊狗來咒（ㄐㄧㄡˋ）咀（ㄓㄨㄚ），

咒咀有，打新婦，咒咀無，打嬸婆。