周星驰经典电影粤语全剧本对白3喜剧之王Word文档格式.docx
《周星驰经典电影粤语全剧本对白3喜剧之王Word文档格式.docx》由会员分享,可在线阅读,更多相关《周星驰经典电影粤语全剧本对白3喜剧之王Word文档格式.docx(41页珍藏版)》请在冰豆网上搜索。
你班茄哩啡冇个掂喎!
呢班水准算好架嘞!
导演:
(企喺离远嗌)Sunny!
重未得呀?
成村等紧架……
得得得,导演。
好快,好快。
(掹住天仇)啊——就你啊,快去换衫啦!
多谢!
(摄影棚人头涌动)
(天仇着住神父嘅服装,畀推向一个指定位置)
嗱,呢个位啊吓。
知道。
(指手画脚)灯光!
(回应:
灯光OK!
)道具!
道具ready!
)演员!
(坐返张凳)Stand——By!
对唔住,导演。
嗯……根据角色嘅背景性格呢,阵间喺演出上架节奏我想比较跳皮啲,但又有啲矛盾,噉好唔好呀?
好啊,roll机吖!
摄影:
SPEED!
剪接:
三场shot四take一。
ACTION!
(神父畀杜娟儿一枪打死,天仇瞓低)
(娟儿大战群匪……)
(神父重喺后面摇摇摆摆)
(企起身)Cut!
娟儿:
做咩呀?
(指住天仇)后面嗰个人做咩呀?
死咗家嘛!
(冲上前)喂!
你做咩呀!
霞姨——
点呀,Sunny哥?
你啲茄哩啡点搞架?
(上前)点解你死极都死唔去嘅啫?
吓?
因为我设计呢个角色性格嚟讲呢系比较跳皮喇。
所以我内心架潜台词系:
我唔想死住。
(谂咗一阵)你唔想死都要死架!
其实我已经死紧架嘞,你再畀多少少时间我呢,我就死晒架嘞。
你知唔知一秒钟系几多格菲林?
(高兴)系廿四格啊,娟姐。
噉你知唔知求先嘅镜头几多秒钟呀?
都有成分钟。
(好嬲)你知唔知因为你唔想死住啊,嘥咗几多秒、几多格菲林、几多钱同埋几多工作人员嘅时间同埋心机架?
!
(哑然)
你系咪捞架?
(闹导演)唔该你哋啊!
茄哩啡都揾啲专业啲架啦!
换人再拍过!
(对住天仇发嬲)醒少少啦!
(同天仇讲)啊——,返屋企慢慢谂吓几时死啦!
(推天仇离开)得嘞,Sunny哥。
(摄影棚外)
霞姨呀,我做错咗啲咩呢吓?
你唔好再问我啦,我唔知你做紧乜啊!
你闪啦!
(突然醒起)啊,你提醒咗我,要返街坊福利会开门,转头就返架嘞。
你唔使返嚟喇!
唔该你啦!
唔好再畀镬我孭喇!
(摄影棚内)
过去死畀导演睇吓!
成龙:
哦。
(行到去导演面前)导演,想我点死呀?
中枪死,准备啊!
(手作枪状)Action!
(倒地,挣扎一番,死去)得唔得呀,导演?
噉先系吖嘛,换衫啦?
行喇行喇!
(点头哈腰)多谢多谢。
(走去换衫,撞到天仇)
呢位哥哥仔,喺边度学戏架?
我未学过戏架。
哇!
噉真系天才嘞喎!
(拍拍天仇的肩膀)你畀啲心机都得架,畀啲心机啦!
(握拳,努力)
(冲上来)你重企喺度做咩呀?
走呀!
(推天仇)
(出口处)
(便当饭盒堆埋一堆,天仇走出嚟。
(天仇顺手攞起一盒饭盒,畀另一只手揸住)
场务:
场务大哥你好!
我想攞个饭盒!
(甩开天仇手)未放饭啊!
哦,因为我走先,所以我……
(企起身)噉你咪走先啰!
知唔知点解未食饭嗱?
就系因为你个冚家铲啊!
死嚟死去死唔去!
累到全世界未放饭,我都未食饭呀!
(扐起一个饭盒,揭开)系咪好想食饭啊?
(掟到路边,一只狗上前)同佢一齐食吖!
(天仇好尴尬噉走开)
(唱)屎,你系一涿屎。
命比蚁便宜。
我揸Benz,你挖鼻屎咋。
食饭!
?
食屎吖你!
(天仇嚟到街坊福利会返工,打开门,将娱乐用品派畀啲细路)
食咗饭未呀?
细路:
收嗲啦。
扐波拍出嚟啦!
得!
有!
波呢?
乒乓波呢?
快啲呀!
扐嚟啊!
快啲啦!
嚟紧!
(扐出一个篮球)
(天仇走去打电话,啱拨完号,走入嚟一老人)
老人(指责):
呢度系街坊福利会,你唔做得迟到,好多人等住你架。
(天仇陪笑)
喂,霞姨——
点呀?
冇呀,想check吓听日通告几点?
冇你份呀!
后日呢?
后日都冇,大后日都冇呀!
(收线)
(天仇怅然若失噉慢慢放低电话)
(天仇呆坐,福利会全部都系啲无聊嘅老人同细路。
(福利会收档,天仇又拨通电话)
喂,霞姨,喺边啊?
关你鬼事咩?
你又想点呀?
冇,我想check多次啫。
喂,冇对白嗰啲有冇呀?
冇呀!
见得唔系好清楚样嗰啲呢?
都话冇咯!
完全见唔到嗰啲有冇呀?
而家咪见你唔到啰,唔好再烦我喇!
(霞姨收线)
(天仇返去住处--福利院嘅一间屋仔,屋里面净得一张简陋嘅床,床边墙上便贴满晒啲著名中外演员嘅相)
(天仇三扒两拨食完饭,睇表,又走去打电话)
喂,霞姨,喺边呀?
仆街!
(返到屋仔,天仇左思右想,心情难以平静)
(天仇瞓喺床上边,聚精会神噉睇一本书,书名系《演员的自我修养》)
(天仇熄灯瞓觉)
(天光嘞,天仇将福利院嘅舞台整成“街坊剧场”,舞台上一牌上写住“明天公演雷雨”)
(企喺舞台上)各位街坊,《雷雨》呢套剧呢,系由中国文学名著改编嘅。
大家都耳熟能详架喇。
嗱,听日由我做主角喎,大家系咪好想睇呢?
(观众席净得一个细路女,其他啲老人做紧健身操)
我约晒你哋喇。
(来到那小孩面前)嘉嘉,听日食完饭有咩做呀?
嘉嘉:
屙屎。
屙完屎嚟睇叔叔做主角,你话几开心呢!
嗱,最紧要叫埋爹哋妈咪一齐嚟睇呀,如果佢哋唔嚟呢,你就喊,扭计,周围累口水,累到佢哋嚟为止噉就乖嘞,惜晒嘉嘉啊!
(大力搣嘉嘉块面)
(想走,畀天仇掹返凳度)
嗱,嘉嘉,如果听日我唔见你嚟呢,你嘅下场就会同呢个公仔一样。
(抢走嘉嘉手上嘅公仔,搣咗个头落嚟。
(好恶)听唔嘛?
(喊……)
(办公桌前)
七叔,《雷雨》呢套剧呢听晚就演架嘞,剧本你读熟好未呀?
七叔:
读熟嘞,你放心啦,我重畀佢唱咗只歌添!
老爷见到到妹仔又唱嘞:
“You'
rebeautiful,You'
rebeautiful……”
阿七叔呀,主题曲呢系由我唱嘅。
同埋李老爷呢个角色系中国人嚟嘅。
个妹仔见到个老爷呢,就唱嘞:
resohandsome,You'
resosmart……”
七叔!
(继续唱)“thankyoumuch!
Pleasetome……”
你唔好噉呀七叔!
你冇嘢吖嘛?
“Iacceptyou……”
你睇开啲啦,七叔!
人嚟呀,救命啊!
(商店旁)
早晨呀,洪爷!
我哋套《雷雨》即将要演架咯喎。
唔啱我嚟再排多次戏好吗?
洪爷:
《雷雨》我使排?
《雷雨》讲雷气家嘛!
嗱,出嚟行呢就讲两样嘢:
第一,就系讲雷气,第二,就系讲money。
嗱,首先我讲咗雷气先吓……
雷气都好嘅,不过就唔好忽略里便嗰段感情。
因为你个角色呢,最后系为咗爱情而畀雷劈死架。
*洪爷:
嗱,劈呢,等我讲畀你知!
嗱,劈呢,我哋出嚟行呢就分两种,第一个呢就系拖——二呢就系捅!
(卷起衫)嗱,呢坛嘢呢,就系畀把老牛拖——出嚟嘅。
嗱,捅呢就系噉捅。
(转身对住一条僆,扮用刀捅落去噉样,条僆冇反应)
呢条僆新收返嚟,唔好意思,冇表情。
(对住另外一条僆扮捅)嗱,捅呢就系噉捅。
僆A:
哎吖!
(恨铁不成钢)认真啲,痛啲好唔好呀?
哎吖哎吖——
你啲演技收皮啦!
仇哥,帮我教教佢。
嗱痛嚟讲呢,根据俄国嘅戏剧理论大师史坦尼斯拉夫斯基嘅讲法呢,应该系由外到内,再到返外架。
噉你而家再试吓做一次嚟睇吓。
(扭曲面孔)哎吖。
(指着他的脸)嗱,好咗好多嘞吓哗?
噉系咪成个表演呢立体咗好多呀?
你再试一次嚟睇吓!
哎吖——
系嘞!
多啲!
多啲添!
哎吖——(痛不欲生)
或者再等我帮帮你。
(上前用力踩条僆只脚,踩到鞋扁晒)
(……周围拗,好痛苦)
咦?
呢嘢掂喎,眼泪都标埋出嚟喎。
(攞嚟一块镜,对准僆A)嗱,你睇清楚,你认住个表情,记住个感觉佢。
认住啊记住啊,听唔听到呀?
喂,撇!
喂,噉我嚟听晚出《雷雨》……
(摆手)《雷雨》唔使排喇,我哋出嚟行,应承得过你,一定到!
嗱,听日请一百几十人落嚟,捧红个场佢!
喂,噉系咯啰喎!
掂过碌蔗系喇!
(转身,对混混)喂!
快啲吖。
(院子)
(有一个阿婆打紧太极拳)
快吖!
(一把将僆A推倒)喂!
阿婆。
你踩亲人喎。
阿婆:
我冇踩到啊。
你踩咗唔觉啫。
(扐起僆A只脚)你睇佢脚,扁晒喎。
系呀,满头大汗喎。
啊,攞几嚿水嚟喇,我帮你挨义气送佢去医院嗱。
(摸衣袋)我冇带钱架。
你睇佢个样,就嚟死咁滞喎!
(攞出100文)我得返一百文咋……
啊!
(一把抢咗去)攞嚟喇,100文!
(拉起僆A)做嘢啦!
(呢件事畀天仇见晒)
(扮路过)咦?
阿婆,你跌咗钱喎。
(捡起钱)啊,好彩喎。
哎,先生啊……
啊,你听日得唔得闲啊?
做乜嘢呀?
街坊剧场做《雷雨》喎!
《雷雨》?
好啊!
(第二日冇人去睇《雷雨》,天仇好失落,目光停留喺一幅广告画上便,上便写住“屎,我系一督屎!
”)
(一个清纯学生妹飘然出现,最后奔入一家夜总会……)
(夜总会内)
顾客:
靓女,叫咩名呀?
飘飘:
叫飘飘啊,你呢?
飘飘,真名嚟架?
几有型喎。
有名你就叫啦,问咁多嘢!
系咪真系学生妹啫?
梗系学生妹啦!
处女嚟添呀!
正唔正呀?
益咗你啦阿叔!
哎,猜返发财拳喇。
唔识。
财拳都唔识,你读过书未呀你?
哎,Fanny,你嚟!
哇——,你个肚腩咁大!
因住呀棺材冚唔到盖呀。
财拳呀!
一定中!
喂,出嚟玩,开心啲吖!
你死老窦咩?
开心开心啲!
财拳呀!
一定中呀!
三叉仔,二到宝呀,四!
好,我饮。
妈咪:
阿女,今物学生妹初恋之夜!
我就唔该你收吓把口,似返个学生妹啦!
你再系噉乜样畀人投诉,我真系保你唔住架吓。
学乜鬼嘢生妹啫,搞埋晒噱头嘢。
我做得返学生妹,唔使企喺度啦!
吖,你重喺度驳嘴?
妓女A:
妈咪吖,七号台嗰个客真系好鬼样衰,我顶佢唔蒲呀,我唔坐架吓!
你哋系咪一个二个喺度拣客坐呀?
妈咪。
(对住妓女A)吖,你又系嘅,你有冇专业精神架?
借视线吖嘛。
女A:
乜鬼借视线呀?
个客丑样你咪唔好望佢全相啰。
或者耳仔靓呢,净系望佢耳仔啰。
个嘴猾突嘅,或者棚牙靓,你咪净系望佢棚牙啰。
都话啲新人真系咩都唔识。
(同妈咪点烟)等我搞掂佢。
嚟喇,睇阿姐表演。
醒定啲啊!
老世!
八两金:
(色迷迷噉笑,飘飘见到佢吓到自己目瞪口呆)你好靓女呀。
点称呼呀老世?
(飘转移视线睇个客快面)
我叫Pierre。
系个法国名嚟架(飘睇个客嘅鼻,啲鼻毛叉晒出嚟),因为人哋话我似法国人,所以特登改个法国名。
如果你觉得难叫呢,(飘看客只耳,居然有一只虫喺度躝吓躝吓)你可以叫我阿Pi,或者阿erre都得架。
呵呵呵!
(飘飘揞住嘴走)
喂,做、做咩呀?
你个衰女平时也文也武,而家喫晒招啦。
你唔怪得我呀妈咪,嗰件极品嚟架!
你有冇见人个头有曱甴架?
噉有咩问题呀?
你睇吓Lulu吖,同嗰只曱甴玩得几开心。
(个客将蟑螂摆喺Lulu手臂上)
(摇摇头)噉我认命啰。
噉得啰,你以后净系返嚟坐冷板凳啦,吽到生虫啦,吽到出菇仔啦,一个二个都系噉架!
哎,Connie帮我同佢冚被呀。
Connie:
你都唔系新嚟架啦,你知道对住啲客系要做戏家嘛。
你哋啲问题呀就系啲戏屎呀。
噉冇计架。
咦,我听讲有条友呀教人做戏唔使钱架,带你去瞄瞄呀?
教做戏?
(片场)
全世界埋位!
(大家走入摄影棚,天仇都钻入去,畀副导一把拉住)
喂,又系你?
早晨呀,Sunny哥。
霞姨!
我都揾紧佢啊。
喂,我冇畀通告你喎,你嚟做咩呀?
噉嘅,上次你咪叫我返屋企谂吓点样死嘅?
我都谂过,又畀我领悟到一啲新嘅启发啦。
相信我而家嘅演出呢会更加令你哋满意嘅。
畀着我两年前呢,我一刀就插死你!
拿刀嚟讲呢,又唔同枪喎,中刀呢通常会喺小厣位,(指住自己腋下,呈中刀状)呢度,个伤口会大啲呢,个面口会再擸啲,如果系畀自己朋友出卖嘅话呢,重会系(做惊讶状)估唔到……系你个仆街?
(擘大口)
(踢天仇)我仆你个街!
Sunny哥,我但求演出嘅啫,你畀多个机会我啦。
你钟意企喺度吖嘛?
好,你企吖,我唔畀钱架!
唔畀钱我都做啊,我要返盒饭盒得架喇。
饭盒唔使钱呀?
武术指导:
Sunny!
点呀,武术指导?
你揾啲噉嘅假人嚟扮死尸唔掂喎!
咁鬼丑样嘅!
嗱嗱林搞掂佢啦,赶住啊!
系,得,得,得,收到。
(回头望天仇)
(天仇躺喺地下。
喂,多谢关照喎,SUNNY哥。
嗱,饭盒咋吓!
冇问题呀,使唔使化化装先呀?
而家化啦。
(一坺泥抹喺天仇块面度)导演,OK嘞演员。
演员OK嘞喎。
Action!
(杜娟儿率领一班人马打关斗上场。
畀机关弹起落返地,继续撕杀,啲人倒晒地。
忽然一只曱甴落喺佢靴面。
杜娟儿:
曱甴呀,曱甴呀,曱甴。
重唔去帮手!
(曱甴飞去天仇身上。
一班人用折凳,锤仔起势扑天仇,天仇喐都唔喐。
众人:
死咗喇,娟姐,唔使惊。
娟姐,你冇嘢吖嘛?
……
导演,Cut得未呀?
重未Cut嘅咩?
Cut!
(天仇醒返)
得嘞,得嘞,打只曱甴咋,使唔使噉呀?
(手攞锤仔)快去睇吓佢有冇事。
哦,我冇事呀,娟姐,多谢关心。
做咩你喐都唔喐嘅?
哦,唔喐嚟讲呢,因为正话导演未嗌CUT。
我都重系一个死尸,所有我系唔可以喐嘅。
听唔听到呀?
听到。
一日未嗌Cut一日都要演落去,呢啲就系我成日同你哋讲嘅(手指天仇)专业。
你叫做咩名?
我叫尹天仇。
啊,仪姐,畀杯架啡佢。
你阵间抄低人嘅电话。
你,以后嚟开我工。
多谢娟姐关照!
(一面挥手一面同副导讲):
呢个shotOK未呀?
OK,军火到。
SUNNY啊。
我唔该你呢,
系。
临时演员都好重要架。
好似上次嗰个神父,死极都死唔去嗰啲呢,就以后唔好揾嚟搞嘞。
明白,娟姐。
(天仇洗完面返嚟。
娟姐呀,嗰个神父都系我嚟。
(娟姐愕然。
上次其实呢就系噉……
(天仇一路讲一路走去娟姐嗰度,突然畀地毡绊倒,架啡撒咗娟姐周身都系。
哎吖,好在,好在,我帮你抹啦,毛巾。
(转身攞毛巾,踩到凳打中娟姐。
杜娟儿挞到轨道上便,前面一堆刀。
一工作人员:
娟姐!
小心呀!
(天仇直起一脚,将杜娟儿踢出轨道。
避过一劫。
杜娟儿挞喺火药上,天仇挞喺另一边。
唔好“扌豆”呀!
(天仇唔小心揿中开关,火药开关。
杜娟儿飞向天空。
众人仰望。
好靓呀!
(后排重有人影相添)
(众人走去救杜娟儿,天仇慌失失噉走出片场,时不时拧转头望后便有冇人追嚟。
经过场务身边时谂起攞咗一盒饭盒。
场务大哥一个人匿埋搣蕉皮。
见到天仇,顺手将蕉皮抌咗出去,天仇一个唔好彩踩中蕉皮,挞喺地下,饭盒跌喺地。
场务场务大叔走埋嚟将饭盒抌畀只狗食,谰得戚敕噉样。
(街坊福利社)
(Connie带住班女入嚟)
喂,看更啊,呢度系咪有人教做戏架?
我本身呢,从事艺术工作已经好多年架喇,无论系电影或者电视都有好丰富架演出经验,亦都曾经喺荔园剧场呢做过创作总监,噉导致到我呢系能歌善舞嘅。
噉系咪话即系你教呀?
教又唔敢,不过呢度好多街坊呢都系戏剧发烧友,都好钟意嚟揾我研究吓噉。
我哋都系啲街坊介绍嚟架啫。
得架嘞,嗰便啦嗱。
(打量天仇)你呀?
啊?
你咪就喺嗰出乜鬼嘢戏话?
啊,嗰出乜鬼嘢戏?
哎,是但嗱,企喺后面踩蕉皮跌落地嗰条粉肠吖嘛。
咦,乜你有留意我架演出咩?
哈哈哈哈,你条粉肠,我心谂,边条粉肠踩完蕉皮重要跌落地下嘅?
你唔好去死吖你!
你有冇咁笨实呀你?
过奖嘞,过奖嘞。
你条死茄哩啡吖真系……。
啊,其实我系一个演员嚟嘅。
(啲女大笑。
嗰便啦。
茄哩啡呀?
(众人落座)
唔知有咩嘢可以帮到你哋呢?
坦白讲吖,我哋系做小姐架。
哦,呢个睇得出嘅。
我而家个场呢就搞紧个“学生妹初恋之夜”,呢班女啊,居然话连一啲初恋感觉都话做唔到喎。
(同班女)你哋点揾食呀?
初恋呢,我哋BB仔呢其实已经有架喇,即系,譬如我哋BB仔一见到个奶嘴呀噉都会啜埋去啦,噉都系一种爱嘅表现嚟架。
你又啜乜春嘢奶嘴呀,你条死茄哩啡?
其实我系一个演员嚟架。
系咯,你啜乜春奶嘴啫?
哦,我谂住由浅入深噉样嚟到去解释吓啫。
得嘞,你具体啲讲得架嘞。
嗱,具体嚟讲呢,首先喺外形上要配合一个学生妹啦,而对白方面喺一啲重要嘅位。
譬如我爱你呀,我恨你呀噉。
如果能够加上少少嘅泪光呢,都会加强初恋嘅感染力架。
即系好似噉。
(开始酝酿眼泪)嗱,睇到嘛?
啲泪水呀(啲女望佢),啱啱好浪吓浪吓架咋。
你有条春泪水浪吓浪吓咩?
你条死茄哩啡。
嗱,嗱,嗱,嗱,其实我系一个演员嚟嘅。
(天仇眼中真系有咗泪水)。
嘘!
初学者如果要有泪水呢,可能需要一啲道具嘅辅助啦。
噉而最简单嘅办法呢就系食Wasabi嘞。
你又食乜春嘢Wasabi呀?
(拧过去同Connie)喂,我哋系咪真系听呢条死茄哩啡点吓嘛?
小姐,就算你一定要叫我做茄哩啡,都可唔可以冇加个“死”字喺头呢?
哈哈哈……
其实你哋作为一个舞女嚟讲呢,如果能够多啲尊重别人,噉别人……
(陡然变脸)你叫边个舞女呀?
对唔住。
小姐:
算啦,我哋系吖嘛。
我系唔钟意畀佢叫呀。
(起身周围揾嘢)
佢系噉架,唔使理佢架。
冇事架,冇事架。
(对飘飘)都话叫你唔好搞架咯。
(对天仇)冇事架,冇事架!
冇事架!
(对飘飘)哼,话极你真系噉架。
(对天仇)唔使惊架,冇事架,冇事架!
唔使惊架,冇事架,冇事架!
舞女吖嗱!
(飘飘终于揾到一把就手嘅折凳,走向天仇,一嘢扑落去,天仇仆倒,飘飘扑多几嘢添)
冇事架,冇事架,唔使惊,定啲嚟,定啲嚟,冇事,冇事!
(夜总会)
嗨,我点知条友咁搞笑架啫?
谂住唔使钱咪去睇吓啰。
唔系你阻住我起脚呢,我唔一……
你把口真系衰架,叫你喺客面前唔好咁口臭啦。
龙少爷:
出去!
(间包房里便啲女畀赶走晒)
咁大个场,有冇搞错呀?
唔好意思呀。
出去食自己喇。
唔好意思。
重有冇呀?
有呀,好快,嚟紧,嚟紧。
喂,Connie呀,过嚟啦。
咩事呀?
Debra妈。
龙少嚟咗,饮到醉晒,而家喺度玩失恋,要揾初恋情人呀。
呢度全场都系学生妹,啱晒feel啰。
你睇吓,我成场啲女见晒咁滞啦,冇个啱feel,都黐线嘅。
睇吓佢台面啦,啲银纸呀逐寸逐寸噉计嘅,喂,你入咗去未呀?
未呀。
系喺度等阵啦,嗱嗱林捉多拃过嚟啦。
钱我大把,有本事就嚟攞啦。
我要揾初恋呀,初恋呀!
(一条肥妹仔埋嚟)
咦,你都嚟?
肥妹仔:
搏搏啦,有时啲有钱佬taste话唔埋架。
躝开啦。
(肥妹仔畀一拳打咗出嚟)
嗱嗱林啦,嗱嗱林呀,醒目啦。
龙少,靓女嚟喇,快啲同老世打招呼先啦。
众小姐:
(一下掀翻了桌子)仆街!
龙少,唔好咁兴啦。
行开啦。
冇个睇得嘅!
冚唪唥都唔系真心嘅,我要初恋呀,初恋呀…………冚唪唥都贪钱嘅!
(飘飘睇到地下啲Wasabi,即刻食咗,冇几耐就满面泪水。
我系真心架,我真系爱你架。
Mary,你要咩我都应承你,台面啲钱可以畀晒你,只要你唔好离开我啊,Mary。
(讲完就趴低喺地下,醉咗)
(飘飘将台面啲钱抛向天空,众小姐高呼!
(天仇趴喺台瞓觉,飘飘敲台面。
天仇醒返企起身,眼眶黑黑地。
冇嘢吖嘛?
咦,我又重手咗啲。
喂,唔好意思啊。
琴日如果唔系有张台阻住我起唔到脚呢,我未必会打输架。
我唔系谂住同你打交架,我真系谂住跟你学嘢喎。
哎,你扯吧啦。
(飘飘将一沓钱丢喺台面。
天仇用乒乓波板冚住钱)
对于一啲有热诚嘅,志同道合好朋友呢,大家系可以研究吓嘅,你等等我啊。
(天仇收埋乒乓波板同钱,走