第一课街曾美芳Word格式.docx
《第一课街曾美芳Word格式.docx》由会员分享，可在线阅读，更多相关《第一课街曾美芳Word格式.docx（15页珍藏版）》请在冰豆网上搜索。
麼介圓圓，天上掛
麼介長長，樹項生
麼介扁扁，街巷賣
麼介軟軟，嘴項食
麼介硬硬，地泥項
月華圓圓，天上掛
芎蕉長長，樹項生
燒餅扁扁，街巷賣
滋粑軟軟，嘴項食
石頭硬硬，地泥項
註解嘴項=嘴裡
地泥項=地板上
第五課十二生肖曾美芳
一一一，老鼠搶第一。
二二二，老牛係老二。
三三三，老虎愛跋山。
四四四，兔仔打鬥敘。
五五五，飛龍去看魚。
六六六，蛇哥打溜溜。
七七七，馬仔愛油漆。
八八八，羊仔盡三八。
九九九，猴仔搞按久。
十十十，雞仔盡愛食。
十一鈴鐺，狗仔盡顧家。
十二嗷嗷，豬仔嘞食去。
佢講：
今年係介年喔!
註解跋山=爬山
打鬥敘=邊吃邊聊天
搞按久=玩很久
嘞食去=去找食物
第六課熱天个時節
蟬仔唧唧叫樹梗尋無伊
風吹啄目睡狗仔舌
猴仔畜細猴
時時不離柴
當晝睡醒發大雨
臨暗再來泅水仔
﹡啄目睡~~打瞌睡
﹡舌~~吐舌頭
﹡發大雨~~下大雨
﹡臨暗~~傍晚
第七課摘菁仔謝己蘭
暑假到了！
阿爸歌菁仔滿身大汗，
阿姆菁仔，行到緊打凌親，
同阿姆手擐，
阿姆就無恁。
朝晨頭煞忙个摘菁絲，
一粒一粒，
這係愛賣錢繳讀書
係愛賣錢買米、買菜分食个，
多摘一粒，
爺就無恁辛苦。
﹡擐：
提拿東西
﹡凌親：
走路不穩
﹡手：
幫忙
﹡恁：
疲勞、很累
客家歇後語集錦 曾美芳蒐錄
1．新聞紙做衫。
。
真多事［字］
2．桿棚下介棉桿。
閒管［桿］
3．叫化仔許天公。
有許無還
4．鴨嬤多，懶生卵。
薪臼多，懶洗碗
5．千金之力。
唔當四兩福
6．倒竹仔容易。
拖竹仔難
7．桌棚下撿飯粒。
畜賴仔唔飽
8．龜仔躲石頭。
硬堵硬
9．老鼠尾打人。
淨腫有限
10．飯後一杯茶。
餓死醫生齊
11．貓食滋粑仔。
唔得脫爪
12．刀背抓癢。
唔搭錐［ㄉㄛ一］
13．西勢火車頭。
測測
14．人愛人打落。
火愛人點著
15．灶君伊老弟。
做［灶］得
16．大路官人打銅鑼。
各人愛自重
17．加吶埔介赤牛。
使晝使暗
18．新北勢人打拳。
對方唔照步數
19．麟洛人食浦人。
屙屎唔出問神明
20．泗溝水人牽水牛。
一身唔閒
21．萬巒人食豬嬤肉。
愛使暗力
22．阿婆嫁孫女仔。
唔主唔意
23．食鹹魚沾［ㄨㄢ］醬油。
白了噎
24．老上人介屎茅坑。
捨不得
25．開飯店驚人食。
豈有此理
26．煨唔熟介蕃薯。
不可理喻
27．哈卵皮項綁剃刀頭。
忒危險
28．屎出正來打糞窖仔。
做事唔計畫
29．南蛇腰飯曾瓦肚。
好食懶做
30．鼻流唔知要擤鼻。
不懂事
31．懶人多屎尿。
找藉口逃避
32．雞棲下爭食。
沒志氣
33．知得會來尿，唔當企到天大光。
早知如此，何必當初
34．牛牽到北京還係牛。
本性難移
35．贏礱糠，輸掉米。
得不償失
36．讀書讀到是弧埒。
枉為讀書人
揣令仔 黃慧貞蒐集
謎題
謎底
1
半夜行路毋蹌走。
[揣一樣中藥材]
熟地
2
冰箱肚講話。
[揣一成語]
冷言冷語
3
伯公透大氣。
[揣一句語詞]
神氣
4
一點一劃長，一枝官刀架屋樑，十字對十字，日頭對月亮。
[揣一字]
廟
5
兩隻不同品種的狗仔在講話。
獄
6
姐妹雙隻ㄧ般高，同出同入共商量，冷冷燒燒共下過，酸甜苦辣共下嚐。
［揣飲食器具］
筷子
7
阿公屙尿阿婆承，公ㄝ高，嬤ㄝ矮。
［揣兩樣茶具］
茶壺、茶杯
8
麻个生來四寸長，一頭生毛一頭光，唔用時節燥嗖嗖，用時緊磨緊出漿。
［揣盥洗用具］
牙搓仔
9
你來也來，硬硬塞下來，軟軟拔出來。
［揣動作］
吃甘蔗
10
東一片，西一片，一年到頭唔相見。
［揣五官之一］
耳公
11
萬年太平。
［揣六堆地名］
長治
12
樂透加碼。
［揣人名］
曾彩金
13
一點一劃長，背梯仔上眠床，供个唔成子耳公一丈長。
［揣姓氏］
郭
14
公車司機辭職。
［揣歇後語］
唔想開，想唔開
15
運動坪頂來當班別人出力佢出聲。
［揣發號司令器材］
嗶嗶仔
16
一只盤仔圓圓圓，飛來飛去尋無伴，出力同佢擲出去，飛到半路會轉彎。
［揣運動器材］
飛盤
17
細細水裏企，大了半天飛。
［揣一昆蟲］
蜻蜓
18
半天一條橋，中央八卦寮，神仙無敢過，八先佇在搖。
［揣一動物建築］
蜘蛛網
19
有人喊阿哥無人喊阿叔子孫滿天下死了無人哭［揣一雄性家畜］
豬哥
20
遠遠看像隻烏雞，行前一看無頭拿。
［揣一物］
牛糞
21
兩腳打晃槓，打鼓入間房，鐵鎚大棍打毋到，雙手一拍見閻王。
蚊子
風
詞：
藍群傑、蔡森泰
曲：
傅也鳴
記譜：
傅雪如
1.春天介風涼涼吹過來揚葉ㄟ飛吭起來
牛眼樹一葩一葩開等伊結子再相逢
熱天介風暖暖吹過來草蜢ㄟ飛吭起來
禾花開一浪一浪飄禾花開來好豐年
2.秋天介風冷冷吹過來樹葉ㄟ飛吭起來
木浪樹一葉一葉飄來撿籽洗衫褲
冬天介風冷冷吹過來水鴨ㄟ飛吭起來
苦楝樹一片一片開紫花開來好過年
算雞腳
詞、曲：
木雄
1.一隻雞子一雙腳
一隻兔仔四支腳
兩隻雞仔四支腳
兩隻兔仔八支腳2.三隻兔仔雞棲
雞子五隻走相踘
阿婆進來蹦蹦跳
怎會變呢按多腳3.一二三四五六七
怎噎嚕算算唔清
二十二二二十四
多喂阿婆一雙腳
手指歌
一支手指頭變成一毛毛虫
二支手指頭變成細兔仔
三支手指頭變成細貓仔
四支手指頭變成毛蟹走
五支手指頭變成鳥仔飛
六支手指頭變成打電話
七支手指頭變成機關槍
八支手指頭變成吹喇叭
九支手指頭變成虎姑婆
十支手指頭變成拍拍手
唸謠黃慧貞蒐集
1.點指儂儂
點指儂儂，水秀花紅，
心肝運轉，秀官來出同，
剁，排羅排雞骨，小郎在外做掩目。
2.教書先生
先生教我，人之初，
教先生，打山豬，
山豬飆過河，
跌到先生，
背駝駝。
3.羊咩咩
羊咩咩，十八歲，
坐火車，轉妹家，
兩斗米，打薺耙，
沒糖好揾，
揾泥沙。
4.阿貓牿
阿貓牿，阿貓牿，
出門打老鼠，
老鼠跌落埤塘肚，
拿來煮，拿來煮，
全家食落肚，
爬床抓蓆，肚伺痛，
何麼介死苦。
5.懶尸妹
懶尸妹，懶尸妹，
睡到日頭曬壁背，
講到什麼佢也會，
做的衫，打折袋，
做的褲，變布袋，
做的鞋，變蟾蜍螺嘴，
做的帽，變鍋蓋。
6.月光光
月光光，下蓮塘，拗蓮梗，扛新娘，
新娘重，扛雞公，雞公叫，扛隻貓，
貓愛走，扛條狗，狗愛咬，上山拈柴燒，
拈分阿姐來煮朝。
7.火焰蟲
火焰蟲唧唧蟲，暗晡夜吊燈籠，
燈籠光照四方，燈籠暗跌落坎，
坎下一枝針，拈來敬觀音，觀音微微笑，
歡喜跌聖筊，聖筊兩片開，保佑老，
聖筊盦盦覆，保佑阿叔，聖筊登登 ，保佑討妻。
8.烏料哥
烏料哥烏疏疏，若牛呢？
賣忒哩！
錢呢？
討妻子也！
妻子呢？
恭賴仔也！
賴仔呢？
畜鴨子也！
鴨子呢？
生卵哩！
卵呢？
煮來請人客也！
人客呢？
屙尿也！
尿呢？
淋菜也！
菜呢？
開花也！
花呢？
結子也！
子呢？
榨油也！
油呢？
點火也！
火呢？
烏嘿哩！
9.生卵雞
生卵雞哆哆哆，醫生升到七八籮，大嫂一擔，
細嫂一籮，大嫂到頸鋸鋸，細嫂到背駝駝，
大嫂唔起，細嫂無奈何。
10.繞口令
（1）水打一雙屐，打到石上來，
唔知石夾屐，還係屐夾石。
（2）水打一雙鞋，打在泥肚埋，
唔知泥埋鞋，還係鞋埋泥。
11.逃學狗
逃學狗，滿山走，走無路，爬上樹，
樹斷椏，跌落水缸下，轉去囥到眠床下，
佢母捉來罵，佢爸捉來打，
鄰舍圍來看，大家笑哈哈。
12.缺牙耙
缺牙耙耙豬屎，種金瓜，拿來賣，賣到三百錢，
學打拳，拳棍斷，學打磚，磚又缺，學打鐵，鐵生鹵， 學豬，豬又蝕本，學賣粉，粉臭餿，學賣狗，狗
腳短，學賣碗，碗底深，學賣針，針會屈，阿彌佗佛。
恭喜發財
新年到啊新年來 大街小巷鬧台台 迎龍打獅炮竹響
男女老幼樂洋洋啊 男女老幼樂洋洋
新年到啊新年來 闔家團圓笑顏開 親朋鄰舍相見面
聲聲恭喜大發財啊 聲聲恭喜大發財
恭喜大發財 恭喜發大財 恭祝大家大發財
恭喜大發財 恭喜發大財 恭祝大家大發財（×
2）
口白：
［新年到啊新年來大街小巷鬧台台親朋鄰舍相見面聲聲恭喜大發財］
老上人介話
1.食水都要愐倒水源頭。
2.兄弟分家成鄰舍，上晝分家下晝介。
3.人愛打落火愛點著。
4.老仔學吹笛，吹仔學會鬢就白
5.朱門生阿斗，茅寮仔出狀元。
6.千家富，難顧一家窮。
7.一世做官，三世絕。
8.莫怨天莫怨地，愛怨怨自家。
9.讓人一句，免傷和氣。
10.人窮志氣高，甘願過水唔過橋。
11.爺娘想子長江水，子想爺娘擔竿長。
12.上屋搬下屋，了忒一籮榖。
13.田愛天天到，屋愛朝朝掃。
14.是非日日有，毋聽自然無。
15.求人不如求己，使口不如自走。
16.能管千兵萬馬，難管三頂笠麻。
17.雞公啼係本分，雞嬤啼愛犀刂頭。
18.自古山歌從口出，奈有山歌船載來。
童謠
天公落水
天空哪！
落水呦！
阿妹呀！
戴等笠嬤來到溪水邊
溪水呀！
清又清
魚仔在水中泅來泅去
蜈蚣蟲
蜈蚣蟲，蜈蚣蟲，平時逞英雄。
疏上疏下毋驚人，講佢像一條龍。
過年過節，鑼鼓咚咚咚咚。
蜈蚣蟲个阿爸阿媽煞詐耳聾。
哎﹍﹍一群子女恁多腳，奈有恁多閒錢買鞋買襪分佢著。
想起心肝就會痛。
情～～情願鑽入窿
阿姆狐狸
阿姆阿姆狐狸狐狸滿山爬
偷偷囁囁來到恩介雞畿下
雞公雞麻鴨公鴨麻嘎嘎嘎
貓仔貓仔擎眠床擎到山頂囥
蚊仔叼到一身膀抓到一身癢
鵝仔無著衣鴨也無著衣
一群牛仔無著衫跳落潭
畢力撥辣嚇到鴨子大聲喊不敢
客家人向前行
客家人，向前行，不驚風來，不驚雨。
有作為，起來。
清風明月，晴耕雨讀，古有訓。
客家人，向前行，不使愁來，不使慌。
莫失志，莫自卑。
大聲講出客家介話，真歡喜。
客家人，滿天下，快樂自信行出來，
有共識，有尊嚴。
延續客家文化命脈，共下來。
客家人，最團結，熱愛土地有骨氣。
寧千秋，流萬世。
重建客家展望未來，永不朽。
升级会员 