KOF历代十大BUG角色.docx

KOF历代十大BUG角色.docx

《KOF历代十大BUG角色.docx》由会员分享，可在线阅读，更多相关《KOF历代十大BUG角色.docx（9页珍藏版）》请在冰豆网上搜索。

KOF历代十大BUG角色

KOF歷代十大BUG角色

前言：

就快正式出98UM,加上想POST呢度好耐

大家比面啦

簡單黎講即係由94到xi系列中被臭罵大佬級的過強普通角色,唔計隱藏人甚至本身的boss呢d根本無得計勁係好正常的事,當中大家可能會發覺在下在以下所數的無隻係98,02,事關在下的眼中呢兩代的角色算好平均,其他的一定會有過強甚至真正有bug技（用作屈機果種）的特色,如果大家睇完後有唔同意的話可隨便指出

第十位：

94希頓將軍

其實本身只係算特別出眾的強角,對空28拳,見人出波即出28腳必中,46拳個光刀快到當昇用都得,但問題係招指令投先有呢個罪名,在94時所有指令投都有個bug就係可以無限（出完前DASH即出會扯返對手起身再中,雖然唔易）而佢成名技之一吸血都有呢個"功能",即係只要唔死,吸都可以吸死人,大家更唔好忘記唔止扣人血仲可以加自己血先屈...仲有樣更可怕的呢招某情況下counter的話有機會即死....

第九位：

97紅丸/蔡寶奇/八神

紅丸：

不但所有拳腳,連必殺技都強得有d過份特別得兩招唔可以用小技連段（反動三段蹴及雷刃拳）,到後期先加到小技只下連部份招,超必更唔好講可小技連段更有極長無敵時間造就量產都可以用得好惡打,j2d又係幾離譜空中命中甚至地上命中超過4hit都可直接連雷光拳.而且整體攻擊力唔低,成為最強的一代

蔡寶奇：

一直係空中霸王代表,攻擊力就算以普通角色黎講算奇高（佢仲要係高速形）,同佢打更唔可以亂跳,用得勁的對手只要一跳等同自殺,一係比佢招空中插插死成隻為止,甚至簡單d爆氣->空中插->鳳凰腳->死左,加上當時黎講個飛插判定都過強得少數角色有比較大的把握破到,就算唔跳,一係慢慢玩飛插玩死你,甚至埋牆唔駛跳到連到即死

八神：

呢個比較後期先列入,雖然整體比96慢dd而且琴月被擋的硬直巨大（呢代開始,往後的無改變）,但八稚女經多人票選公認性能係歷代第二強,主因移動速度唔算低,但要小跳的話連矮仔都跳唔過（有人話八神裝左塊玻璃wo

）,究竟係bug定特登整仲係個迷,而且上半身無敵令呢招對空安定激增....無限技健在但難出好多,葵花一定要空中命中先成功無限,而且要拳腳技空cancel先得,無限屑風97仲有全角色確認但要配合bug技"鬼步",雖然多野屈但全都唔易出

第八位：

95八神

本身已經強角,所有招判定極強,八稚女激快上半身無敵仲要被擋都接近0硬直,仲有無限技,輕葵花夠膽死可以無視角色,空中或地上及場中都可直接屈LOOP,但最可恥係重葵花在max狀態時破壞力比超必更多,要比玩家留意新主角都唔好整到咁掛snk大佬,max狀態jd->5c->重葵花咁兒戲就死

第七位：

96八神（又係佢?

）

所有招唔係判定極高就係接近0硬直,地波難碌,昇判定強勁,琴月陰立回性幾乎無責任亂出,八稚女無指令投的話唔易反擊,輕葵花可無限（同95唯一分別一定要埋邊）,但最得人驚係改變八神一生的屑風,全角色無限確定,練八神只練呢招已經夠啦....

第六位：

03墮龍

拳腳惡得過份,必殺技差不多招招都0硬直而且判定強,有指令投,有準無限技,其實講真佢得咁多本錢....佢有4成戰力在於03的失控+設計失敗的問題加埋就係佢屈機次處（不明連段,不明防禦不能,指令投性能等）,加上唔知大家有冇發覺03隻GAME本身偏暗,對於佢本身咁快的速度仲要有閃身技情況下更顯得難打,所以XI果隻通常技幾乎無變動,必殺技其實無咩大變動但用落實力就差咁遠的原因

第五位：

96mature/chin

96時日本將佢地同八神被喻為極惡同盟隊最強的3隻（阿伯更係最強角色）

mature：

速度高,通常技強,小jb更可無限（MAX狀態）,必殺技判定雖然唔算好高但勝在立回強勁,不過令佢bug的原因就係立重擊,我睇落歷代所有角色的站立重擊無人係佢果皮（唔計隱藏人及boss）,快,遠,惡,攻擊力高,只要有呢下在佢眼中無咩係無確反,判定更惡得非常全面咩情況都可以踢人,阿獠同佢打更係毫無勝算,只要佢有任何動作,mature就可以豪不留情用重擊踢佢...佢呢對美腿果然殺傷力驚人....

chin：

本身性能唔到太屈,但因為一招噴火同望月醉（訓低果招）絕對呃錢,先講噴火當時只要紅血時就可以無責任出超必,以當時黎講可以直接破到的唔係好多（八神係其中一個）,有唔少角色打到佢紅血時就算自己滿血但壓力唔會比阿伯低,而噴火有分上中位都係呢代開始有,但問題係紅血可以任出,呢次唔中仲有大把機會啦

max都開始噴足上中下位,而且屈人埋牆後只要個位靚的話剩係噴火都可以屈人擋到死為止出唔到去...

不過要講任何時侯都有得用甚至更實際莫過於望月醉!

!

由於初初出現令設計者打算只要唔係貼地的攻擊就打唔中,所以當時全角色中通用可以破到的只有下輕腳...就算下重腳都唔係個個都得（八神都未必得,無記錯的話）,論必殺技可以破到的更少,特別記得以前睇官方出的96攻略講可直接破到望月醉的攻擊力埋2b總數竟然唔超過50招!

!

皇帝同佢打先最慘差不多所有攻擊都比佢避晒,阿伯只要訓低慢慢爛過去加上用追加技鯉魚翻身,加上當時皇帝對空較弱阿伯不停用JCD都踢到佢傻,令皇帝接近到毫無還擊之力的慘劇....

第四位：

01美玲,99椎拳崇

01美玲：

雖然外表上係我幾鍾意的女角

不過佢d有問題的實力唔數佢唔得...先講拳腳算係當時第3快,佢個碌的無敵時間係碌完再篤一下a先正式完結已經有d過份,比佢輕輕篤中一拳最少唔見一半都係問題所以在02時先設定成小技不能連段的原因,其次有幾招無限技（雖然唔易出）,加上本身攻擊力非常驚人要秒殺人唔係難事,或由場中屈到版尾再無限又得,更搞笑係佢可以整到hang機...令有時有d人真係比我見到要捉出黎打,有幾多部01就整hang晒咁多部01太缺德啦

不過十大中最難上手的一隻

拳崇：

通常技每一代都差不多,係所有必殺技都超級強得無腦,絕招步法無指令投的話就算最近身出重的被擋都居然唔易反擊,更無腦係穿弓腳可無責任+無條件連段,無論牆中,牆邊只要踢中一腳就玩完（不過唔知點解到第二十次就特別易甩左少少）,但打唔中人都無咩用啦

唔怕!

!

打擊投龍連打可幫到你,首先呢招係近身先出到不過擋到,被擋的話無收招時間,之後再近身技->龍連打,而且入力時間準的話係無得走的,咁我大不了擋到有氣就爆開佢囉反正擋攻擊都加氣,問題係擋龍連打係加勁少氣的,實驗過要由無氣擋到變有氣快極都要比佢磨半行血先有

就算你爆開到人,人地都可爆開你（假設氣可以無限儲的話佢應該有8行氣....）,整跌你後又再loop過

雖然十大bug人中佢係最唔用腦+最易用的一個,呢隻的官方似乎要試將佢轉型先咁做（故事中佢無左超能力,但似乎絕對係好事....）,但防守方面無st配合的話算係歷代最弱的一集,萬一被對手搶到主導權的話會打得相當吃力,所以最多同01美鈴同級（其實都研究左佢好耐比佢第幾名好）

第三位：

99全勳

呢個新人物曾經有一排人氣比阿金高（在日本阿金的人氣一向十名內）,當時初時登場的他實力更絕對係bug,拳腳技極強,特別係站立重擊被喻為96mature的後人,除左無咁遠外根本一樣咁屈機,光睇可以原地counter後再出多次都連到甚至jd->站立重擊可以成立已經知勁成點.

剩係拳腳嗎?

當然唔止啦,兩招構的所有攻擊判定過大被攻擊判定反比地小,而且只要唔好太近的話更可以做到無硬直效果（有指令投都未必捉到果種

）,其中太極破更可強制破防再連段甚至sc製造強制,仲有就係有無限技j2bxn,好似同2000差不多嗎?

錯!

!

剩係2000時兩招構被攻擊判定已經大左,整體立回弱左少少同站立重擊變左已經爭好遠

而且更有較善為人知的問題在2000時已經無左,包括破防時的所謂硬直動作同時有無敵時間,即係有硬直等於無,變相死擋的話真係吹佢唔脹,反正擋最多扣dd血破防又唔會比人打怕乜

（全隻game唯一真正破到矮仔的強制6a->鳳凰腳都只有佢）

係咁多嗎?

仲有~~就係被攻擊時硬直時間都比人短,例如k的max扔眼鏡,當k最後等一陣先再打出果拳時只有佢可以擋到,即係k同佢打的話要保證中完死先出得?

八神同佢打的話屑風用途大減,唔知點解會將佢扔遠左好多唔係埋牆的話根本咩都追唔到....

打過99的人都知如果叫st硬食對手攻擊的話,st的攻擊變成防禦不能,但全勳都唔駛硬食,全隻game只有佢叫st時有無敵時間,而且長到st正式出黎先消失

而最善為人知係起上無敵時間,有人驗證過佢的起上無敵時間係其他人的兩倍咁多!

!

即係起身後可以再跑前一步之後無敵時間先消失!

!

所以部分用家起上時9按5CD.....

總合以上的罪證,但由於要練的話唔係易事,加上講bug都唔夠跟住的更多,所以佢成為bug人季軍

第二位：

2000麟

之前同好多人傾過發覺最受爭議的bug人,有唔少人唔認同原因係01的攻擊力高好多而且用法較簡單易上手d,但2000果隻有咩長處?

跳重擊：

雖然01的跳重擊都極強,但2000的被喻為96暴風後人,個判定好奇怪肉眼都睇唔清楚,可空戰,對地甚至有人試過可以打背....

6a：

當無氣的時候出呢招再鑑粗cancel超必的指令時會有第二hit出現,而且攻擊力更有半招超必咁多....到01時變左極遠及有中同下段兩種

必殺技總合：

判定極強都算,仲要接近0收招,而無影紅砂手（623+拳果招怒插）起上有打擊防禦仲要時間唔短....

下輕腳：

bug的主因之一,起同收非常離譜地快,當要玩目押時唔駛睇只要怒按一定成功（例如2b->2c）,time仲話過善為人知的事就係當命中對手攻擊後,而你本身無down甚至唔係太遠的話即時衝前下輕腳係必中的,原理係當時對手未收晒招....,爆硬食mode的話屈機程度更同肥佬一樣,先講jc->2bloop,由於爆mode時攻擊人的話硬直時間會長左一倍,加上2B起同收過快的情況下令jc同2b擋完是旦一個但必定擋唔切第二個,之後仲可以變成無限技....甚至玩到跑前2Bloop又得（其實後期其他角色的爆MODE技都因為佢而得到靈感）

強制max：

屈人埋牆噴重毒氣,當你郁得時出max投（令對手中毒果招）就算對手擋緊都可以中,但要中的話唔係易事好多人都唔係次次得

防禦不能拳腳：

當你無氣事出236236+腳,成功的話所有攻擊對手都會防禦不能,原理係唔知點解系統以為你出移動投超必,都唔係點解會有咁大漏洞,點做野gad人

....但比人打中的話個bug就會消失

總合以上,講真如果唔係上手唔算太易同平均攻擊力過低的話（攻擊力中級以上仲得了....）,咁多強制甚至防禦不能的話應該佢先係一哥而唔係之後的女皇,得到亞軍

第一位：

01foxy

世界公認!

設計出錯的角色!

!

韓國第一次接手做kof時的失敗人物,完全用boss級黎形容,在日本更被喻為呢隻根本有晒資格做尾二boss,續一罪證數出先

通常技強得完美：

未見過一隻"普通"角色的拳腳技無論任何狀態的都係惡人一等,無論在站立,蹲下,空中狀態都有應付地上,空中甚至同時兩方面的攻擊,仲要9成機會贏....呢d係大佬先會有的特點....特別對clark果d不停用跳重擊已經令clark差不多無得郁

必殺技0硬直：

除左剷完再跳高斬人果招唔中先會比人打外全部招都有權用到打唔中對手都可以無仇報,而且攻擊力高,個昇更係歷代kof最惡的對空技,判定無賴都算啦仲要打唔中人都唔怕比人打....

超必同max呃錢：

超必亂舞技知道唔中的話可以變招做成二擇效果,特別變下段剷腳的話更變成無硬直...,max熱砂之惑星當係由頭到尾都無敵,跳起出果下後的果堆大光刀已經車緊過黎,而且速度好快要打在空中的foxy已經接近無可能,就算比你碌到都無用foxy本人已經安全落地,就算打中佢的話包你一定知錯,當你真係咁好彩打佢落黎的話你一定擋唔切,果堆光刀必定counter,更慘係如果由頭到尾中晒的話估計可能兩行血先唔會死

防禦不能bug：

以上的都已經證明絕對夠資格做大佬,但更令人髮指係,竟然有防禦不能bug....2b->按實2b後按d->自由發揮,如果變左2b個樣但命中時d聲唔同的話即係成功左,之後一個連技整跌人,再等對手起身又黎過

總合以上,無論攻,防,速,立回等等都可以話完美的化身,除左無真正的即死連技外（以個人唔用ST黎計）,用法簡單之餘又有咁簡單的防禦不能bug,做bug人之首絕對實至名歸

xi應該唔會計,以非大雜會形式的kof黎講算平衡度最高的一集,而nw基本上同02差不多情況,3d版的唔普遍而且系統差太遠,其他機的外傳更廢事講啦都係唔普遍甚至太多自行更改不能作準,睇完有咩疑問甚至係錯的,大家唔好客氣隨便講

KOF歷代十大boss

呢次同十大bug角色唔同,專講所有非正常情況下揀到的角色,如要等時間,輸入秘技,滿足特定條件先出現甚至要改版的角色,都因為呢個關係呢次會連boss都一拼加入（即係以改版可以用boss的機為準,但不包括01同02的特殊改版）

第十位：

97大地七

大家可能懷疑97果隻有咩過人之處?

反正98同02都有,先講通常技本身數一數二,在97時佢係其中一隻真正有破到八稚女的空中技角色（打過97的應該對八稚女好深刻）,近d係中段,如果熟練目押2b->近d更可做成強制中下擇,最重要係指令投實在太可怕,吸力強唔再講,仲有強制甚至離譜到試過對手離地半個小腿位都可照扯,加上本身角色唔慢,以指令投為主的角色黎講應該算最強指令投角色（就算同狂八神打係有得打的）

第九位：

02怒加

以佢黎講係所有必殺技最強的一代,烈風拳收招快到可無限loop,大波快到中左先知

214腳連技立回安定,但有個非常嚴重問題就係佢d通常技差不多歷代最廢的角色.......若果比對手有機會封招的話真係變廢物（雖然02無）,大家有機會用的話試剩用通常技就明白了,而且都整得非常無誠意....

第八位：

95怒加

可能大家覺得奇怪,以前仲勁過而家?

主要分別先係通常技勁過02好多,除左快而且判定強（代表作JCD

）,仲有遊車河同超必就算被擋都無硬直唔同02果隻被擋=比人放血（雖然唔會被放太多）,加上超鬼神級攻擊力的腳刀,max狀態下莫講連技,就算捕guardcanel都隨時一隻.....

第七位：

03神樂麻貴（真名係萬龜,但女仔名實在太,所以後期官方改麻貴）

通常技以boss黎講算合格,但佢d招實在太多變化,無敵時間又長,特別個昇比96的可怕,先係被擋幾乎0確反之餘仲要磨血強,命中又等於標準超必攻擊力咁多,又有封招（仲要好似係指令投）而且差不多對手死先解封,加上佢太多分身攻擊千變萬化得黎某D仲要無判定+任追特性（包括簡單的2D）只係要記佢d招都有排記.....要上手非落一番功夫不可,否則要再高一兩位都唔係問題

第六位：

96暴風神父基烈治（呢名開始之後排名的boss通常技都超級可怕）

通常技中以jcd最獨當一面,由於原理係用風進行攻擊,連擋身技都反唔到,加上判定幾乎打晒上中下差不多而且有不明判定距離（有時就算無跳背都可打背....）算係歷代最強的空中超重擊,龍捲風判定強,真八稚女判定大到咩招都撞得入之餘就算擋都無硬直幾乎可以亂出（到其他家庭機移植版設定成只有八神的八稚女必定撞得贏佢）超必指令投絕對最令人深刻,鬼吸力（試過半個畫面都扯到）,攻擊力高,強制性能,而且暴風本身可以任出超必加上本身角色移動速度高更顯得可怕,只係超必指必投指令始終有一定難度,要用到好似電腦咁話捉就捉真係好難,值得一提的係佢都算被喻為歷代最難打的ai（有人試過打家庭版con足一日都打唔贏.....）

第五位：

97狂八神,XI紫苑

狂八神：

97的八神本身性能已經係十大bug人之一,呢次更將攻擊力同速度提升差不多一倍（整體實力更有3倍之差）,可想而知可怕情況有幾高,除左速度外連跳躍都不成正比地快,有時快到少d眼力都睇唔切,加上攻擊力奇高而且就因為速度提升關係唔駛鬼步都玩到屑風loop,只係雖然跳躍力快如閃電但高度都修正成最高只有一個身位,有好有唔好,好的就係夠低而且又快,對手想捕昇的風險實在太大好易昇唔切,被counter事少,最慘係昇得太早被放血甚至屑loop,但唔好的要打背都有一定難度,都因為高度原因全隻game最慢的肥佬居然可同佢打成平手!

（肥佬的5a可以令佢難以埋身）

XI紫苑：

03的無界令制作人員多左BOSS特性的靈感,幫佢加入差不多所有重通常技有guardpoint（但空中技無）,論guardpoint數應該係歷代之最,差不多8成攻擊都有,而佢本身有2種構,先講長矛mode攻擊距離平均遠而且小跳攻擊有無限loop,用矛用到厭的話大可飛走支矛.但過一陣上面有石屎墮下攻擊力絕不小觀（但時間好似係隨機）,普通狀態有用繩索但不能移動而且只有一種攻擊,只係到最後轉繩索差不多無招打得入龜戰一流,最獨當一面非氣功拳莫屬,等於02大姑媽的虎煌拳但更快,更遠而且有guardpoint仲可破大波（不如話SVC的癲狗仲貼切....）,就算被人跳都仲有空中版補位,只係人用的話跳得過先再講,不過其他招同超必都無過人之處,若非佢都有後擋已擋晒上中下段的話,其實佢同03麻貴差不多

第四位：

97大蛇,xi禍忌（之後排名的都有後擋已全防上中下段及通常投解投不能的特性）

大蛇：

未用過佢的玩家一定覺得好奇怪,由於ai黎講歷代最廢的boss,加上勁少改版甚至家庭版可以用（家庭版最正宗果隻係世嘉saturn版97但只有練習mode先用到）,故此佢真正的實力一直被忽視,先講通常技其實已經夠殺,光係5b已經對晒地,空戰仲可以無限loop,空中技夠遠夠惡夠快連八神的八稚女都可直接破到（雖然得一種）,必殺技方面鏡攻擊力高,可無限loop而且可破所有攻擊（連自己的天光都破唔到....）但其他必殺技黎講性能唔算出眾,除非對手用extramode,否則對手只要小心地用6ab已經可以避到好多野....另外超必天光更係kof第一招及攻擊力最高的全畫面系超必,有一點就算到今時今日都好少人發現就係由於係漂浮狀態關係可無視大部份下段技（即係擋都唔駛擋果種）

禍忌：

通常技雖然平均距離唔遠但勝在夠快判定都好例牌地強得可怕（但遠c都有6成畫面咁長）,必殺技方面總合攻擊力以boss級而論唔大（可以話低）,只係幾乎任何角落都有招打到,利用呢點玩追殺的話對手點都走唔甩,近身有623拳,除左範圍大而且有反波功能,特別輕的起到收都極快屈人埋牆後怒出係擋少陣都唔掂,就算死擋由於破防值高擋幾下實破防,最可怕係氣絕值全數中晒的話扣8成氣絕咁多

仲有就係leader技天光,雖然攻擊力唔大但勝在無判定任追,所以呢隻boss較注重防守,加上閃身技用得好真係無可能埋到身,成為歷代真正最強的防守型角色,順帶一提唔知是否製作人員發覺佢攻擊力唔高關係,所有攻擊ch的話差不多有3倍攻擊力.....

第三位：

03無界

通常技唔算長,但最有特色+屈機之處係所有重攻擊包括空中版都有guardpoint,利用呢點就算捕昇神人都因為比佢格左個昇比佢打返轉頭（無界：

理得你有無敵時間,都比我擋左

）,同佢鬥空戰更唔駛諗,要直接面對的話一係擋,一係擋身投,一係空撻吧,必殺技方面就算最普通的扔石都唔好睇少,速度唔慢加上無界個子高要跳過已經唔易,甚至連大波都扔得穿（是否鑽石呢?

）仲有指令投可將對手石化,本身已經扯得遠又快,仲可以無限loop,比佢捉一下其實等於玩完,超必係落幾條石柱,要中唔算易,但攻擊力絕對一絕,石化投->超必咁就6成半（ch更差不多死）,leader又係全畫面,呢次仲可石化人,捉唔到人都唔緊要,捕完leader先再玩石化loop又得,只係講屈機未到以下介紹果兩隻,所以先第三位

第二位：

99古利查力度最強型態

通常技全都遠而且判定惡到幾乎有無敵時間,5cd可怕到就算肥佬的jcd都可直接撞佢鐵球....必殺技中先講旋風可對晒空地戰,乜都破到唔再講就算被擋都幾乎可一口氣加滿3行氣.....個昇惡得例牌之餘中唔晒又可繼續loop（要唔中最後果hit）,遊車河無論判定,速度甚至立回都相當優秀,更可無限loop,至於超必無式似98的京的無式但有極長無敵時間及立回強力,max若果ch的話更係一擊必殺....（但判定反而較低）,亂舞技除左立回較差外總合已經強得無可挑釁的地步,max更可一下由滿血變紅血,雖然整體已經夠屈,但要講強到唔識打機都可炒人3的景界的話,只有下一位先做到

第一位：

01IGNIZ

先題外話~~~記得未出01時仲打2000,發覺隻zero都唔算強只要小心d唔難爆機,到出01時果隻粉餅真的打到叫救命,防禦力都唔好做得咁誇張掛4隻人出晒黎打仲要打到夠鐘先打到一半血.....即係只要比佢打左一半血的話已經判你輸,好在唔駛好耐有人發現派3隻以下的話打佢攻擊力會高好多

整體除左無指令投外簡單係完美的化身（但都無分別,反正解唔到通常投）,呢次要詳細少少講：

通常技：

除左有齊快,遠,惡的例牌特性外更可無限loop,試過在大陸打改版個2p位無得跳仲要壞剩個a,之後比個擺明唔識打機的細路挑機,我當好心幫佢揀Igniz,點知佢就係剩行前a就loop左我3隻

（仲要睇住佢係亂拍掣果隻.....）加上5cd好似96的mature咁仲要更遠範圍更大而且ch會撞牆,可想而知光係通常技已經可被喻為恐怖的化身......

必殺技：

更加不得了,先係最基本的放鞭,輕的可焗人擋開半個畫面咁遠,重的可無限loop（電腦有時會發癲出的）仲要可破波而且防打背即係捕人的話根本無視距離,至於昇最多怕比人過背,大不了必要時叫人阻一阻o者,其他招唔多記得反正都有好大用處,但最後不得不提係潑斗篷,首先同放鞭一樣可對晒地,空戰,ch隨時有一半咁多,最可怕係可強制破防再轉招甚至sc,何為轉招?

好似02的bc系統咁可必殺技->必殺技,更可同一招輕重交替,即係佢所有必殺技惡得黎仲可以有好多變化,代表比佢有超必其實都無咩意思

超必殺技：

必殺技已經咁可怕,超必更唔好講,除左惡外更有無判定任追功能（仲要無修正...）任追都算仲要有追加判定（係乜都追得果種....）,大佬你駛唔駛整得咁亂黎呀?

擺明完全未整好就擺出黎咁,唯獨叫有少少缺點的係max亂舞技以boss而論未到好強,而且被擋有硬直,唔緊要,做連技囉

在故事中佢真係唔算太強（最多同八傑集相等）但game中完全係boss的典範,值得留意呢隻都屬於01,連十大bug人之首foxy都係01,日本方面都未試過評一隻大佬要20分先合理（其他的最多14分）韓國都因01的失敗而吸取教訓,整左隻到而家都仲咁hit的02,或者呢d就叫失敗乃成功之母的實例