摄影构图技巧Word文档下载推荐.docx
《摄影构图技巧Word文档下载推荐.docx》由会员分享,可在线阅读,更多相关《摄影构图技巧Word文档下载推荐.docx(8页珍藏版)》请在冰豆网上搜索。
突出
我都唔係好知點型容呢種構圖好
基本概念係,不斷地重覆一D野,
然後突然殺出一個主體!
重點係,對比一定要大~如一片草+一朵花
又或者一堆西裝友+一個比堅尼美女等等
當我想搵SAMPLE時先發現原來以前都唔多用呢種構圖法,得閒影定多D先
S型構圖
當我地去發現S型既野,就係時候拎起相機喇
特別係河流,馬路,行人
1.可以引領視線
2.令河路變得漫長
3.增強照片耐看性
荷花2005VS2012
大概係2003年左右才認真攝影吧,由03-05年之間,不停地怕,乜野提材都影得一大餐,基本上攝影方針就係有殺錯,無放過。
當時唔係好理解點樣運用光線和對比,也沒有多留意光質和方向,簡單而言就係見乜影乜,
但當時有人教落,要多思考,所以就會思考左係構圖方面,仲要張張改個嘔心名添,都幾囉命…
7年後再拍,諗既野已經唔同左好多,
識多左好多技巧,如多重曝光,壓光,反射鏡,不同FILTER運用等等。
記得以前影相,一定要加返個簽名,咁先型丫嘛,而家就越黎越少簽名了,硬係覺得簽名呢樣野阻住哂張相~
光線同對比,其實真係好重要,記得有一位前輩話過,黑色係影像的靈魂,其實都無誇張,但係當你用心地想運用黑色時,你就知道原來你要黑色,
你所需要既素材係光線和對比,還有一個點測光。
其實攝影作品的構思,真係要用心,而唔係見到乜先諗,好似上面張相咁,當時我見到咁既影像,就好簡單咁諗,
荷花之美,穿破荷葉,呢D咁既思考方式既老土亦無聊…
而下面張相,當日早上,我見天氣陰晴不定,呢D天氣好容易會有雨後陽光,當陽光打在水點上,再配合星鏡,
就能把水點拍得像寶石一樣,所以我就馬上去行去影一輯名為rainytreasure"
的相
有時搵返以前d舊相黎對比一下,真係好有趣,但係要面對過去的嘔心行為及作品,所需要的心理質素其實唔少的,希望七年後我覺得今天的作品好嘔心啦。